9.09.2019-19.09.2019

Lokað vegna sýningarskipta

Gerðarsafn er lokað vegna uppsetningar en sýningin Fullt af litlu fólki opnar 19. september kl. 19. Pure delí er opið alla daga kl. 10-17 á neðri hæð safnsins.

Ratleikur-Culture Hunt-Podchodach

Skemmtun fyrir alla fjölskylduna

Komdu í ratleik og gerðu bullljóð á bókasafninu, finndu fisk með tennur á Náttúrufræðistofu, skoðaðu listaverk liggjandi á gólfinu á Gerðarsafni, mældu vegalengdina frá Salnum að bókasafninu og skoðaðu form á Kópavogskirkju.

Ratleikurinn er ókeypis og prentuð eintök liggja frammi á Bókasafni Kópavogs, Náttúrufræðistofu, Salnum og Gerðarsafni. Leikurinn er ætlaður allri fjölskyldunni og er einnig til á ensku og pólsku.

Hægt er að fara aftur og aftur í ratleikinn, ekkert eitt svar er rétt.

Sólarslóð

Sólarslóð sýnir hreyfingu sólarinnar yfir eins árs tímabil með tólf brotalínum. Þær teikna upp hin óskýru mörk á milli sólarljóssins og skuggans sem veggurinn á Hálsatorgi varpar á sjálfan sig. Hver brotalína áætlar hæstu stöðu sólar á 21.degi hvers mánaðar ársins. Línan er máluð með hvítri vegamálningu sem blönduð er örsmáum glerperlum. Þegar sólin skín á veggjunum virkjast listaverkið og perlurnar endurspegla hin síbreytilegu sjónarhorn sem myndast á milli sólarinnar og áhorfandans. Þegar sólar nýtur ekki við, minnir verkið okkur á síendurtekna hringrás sólarinnar. Á sama tíma vísar hin hvíta sindrandi vegamálning til annarskonar hryns; umferðarinnar sem flæðir undir Hálsatorg, í kringum brúna og inn í hversdaginn.